उल्हासनगर च्या बाल्कनजी बारी शाळेत शिक्षक दिन उत्साहात साजरा
उल्हासनगर : ५ सप्टेंबर २०२५ : उल्हासनगर कॅम्प क्रमांक तीन येथील बाल्कनजी बारी ट्रस्ट द्वारा संचालित शाळेत आज शिक्षक दिन मोठ्या उत्साहात साजरा करण्यात आला. या वेळी शिक्षकांना पुरुस्कार देऊन सन्मानित करण्यात आले.
उल्हासनगर येथील बाल्कनजी बारी ट्रस्ट द्वारे संचालित प्राथमिक व माध्यमिक शाळेत बहुतांश महिला शिक्षिका आणि महिला कर्मचारी असून या शाळेतील दहावी चा निकाल नेहमी शंभर टक्के च्या आसपास असतो आज शिक्षक दिनानिमित्त शाळेत विविध सांस्कृतिक कार्यक्रमाचे आयोजन करण्यात आले होते या प्रसंगी प्रमुख पाहुणे म्हणून बाल्कनजी बारी ट्रस्ट च्या उपाध्यक्षा जया मोहन साधवानी, मध्यवर्ती पोलीस ठाण्याचे पीएसआय सचिन पवार, गोपनीय विभागाचे अधिकारी दीपक देशमुख, पी आर पी नेते माजी नगरसेवक प्रमोद टाले आणि ट्रस्टी अर्जुन पंजाबी उपस्थित होते. या वेळी शिक्षकांचा सत्कार करताना विद्यार्थ्यांना शिक्षक दिनाचे महत्त्व सांगत मार्गदर्शन करण्यात आले. तसेच, बाल्कनजी बारी ट्रष्ट च्या वतीने शैक्षणिक, सामाजिक आणि सांस्कृतिक उपक्रम राबवण्यात महत्वाची भूमिका बजवणाऱ्या उपाध्यक्षा जया साधवानी आणि सचिव मोहन साधवानी यांचे कौतुक करण्यात आले
या कार्यक्रमा दरम्यान सोबर लाईफ फाऊंडेशन कडून“मद्य आणि ड्रग्स विरोधात जनजागृती” या विषयावर विशेष सादरीकरण करण्यात आले.फाउंडेशन चे विशाल साधवानी यांचे कडून सोबर लाईफ संचालित केले जात आहे. ही संस्था व्यसनमुक्ती केंद्र चालवून लोकांना नशेच्या विळख्यातून बाहेर काढून चांगले आयुष्य जगण्याची प्रेरणा देते.
