केंद्रात ४०० पार दूरच.. राज्यात महाविकास आघाडीच भारी

देशातील लोकशाहीचा मोठा उस्तव नुकताच पार पडला. काल चार तारखेला लोकसभा निवडणुकीचे निकाल जाहीर झाले. मागील दहा वर्षे केंद्रात सत्तेत असलेला भारतीय जनता पक्षाला एकहाती सत्ता मिळवता आली नाही.  या वेळेस भाजपला स्पष्ट बहुमत न मिळता दुसऱ्या पक्षांच्या कुबड्या घ्याव्या लागणार आहेत.

पुन्हा एकदा देशात आघाडी सरकार येणार आहे. यावेळी सत्ताधारी भाजपला जोरदार धक्का बसला आहे. मागील वेळेस म्हणजे २०१९ ला जिकलेल्या ३०३ जागांपैकी तब्बल ६३ जागांवर त्यांचा पराभव झाला. अब की बार ४०० पार ची घोषणा हवेतच विरली. स्वबळावर सत्ता मिळवण्यासाठी लागणारे २७२ खासदारही भाजपला यावेळी निवडून आणता आले नाही. त्या साठी भाजपला अन्य पक्षांची मदत घ्यावी लागणार आहे.

विरोधी पक्षांची इंडिया आघाडी यावेळी चांगली कामगिरी करत आहे. त्यांना सत्तास्थापने साठी ३७ खासदारांची आवश्यकता आहे.

एकूणच सत्तेत असताना ज्या पद्धतीने सर्व शासकीय यंत्रणांचा वापर करून विरोधी पक्षांना वेठीस धरण्याचे काम केले त्याचाच परिणाम आज बहुतेक सर्व विरोधी पक्ष एकत्र येवून इंडिया आघाडी च्या रूपात एक मजबूत पर्याय म्हणून उभे आहेत.

महाराष्ट्रातही भाजपला (महायुतीला) पर्याय म्हणून महाविकास आघाडी ने मोठी मुसंडी मारली आहे. महायुतीला चारीमुंड्या चित करत महाविकास आघाडी प्रथम क्रमांकावर आली आहे.

मोठे मातब्बर प्रस्थापित महायुतीच्या नेत्यांना महाविकास आघाडीने घरचा रस्ता दाखवला, पराभूत केले.